న్యూస్ పేపర్లో ప్యాక్​ చేసిన ఫుడ్స్​ తింటున్నారా? - ఎలాంటి సమస్యలు వస్తాయో తెలుసా?

మార్నింగ్ టిఫెన్ దగ్గర నుంచి సాయంత్రం స్నాక్స్​ వరకు.. ఇలా ఏది పార్శిల్ కట్టమన్నా, సర్వ్ చేయమన్నా వాటిని న్యూస్ పేపర్లలో ఇవ్వడం చూస్తుంటాం. అంతెందుకు, మన ఇంట్లో ఆయిల్ ఫుడ్ తయారు చేసున్నా.. వాటి నుంచి అదనపు నూనెను తొలగించాలన్నా న్యూస్ పేపర్​నే వాడుతున్నాం. ఇక పొడి ఆహార పదార్థాల్ని న్యూస్ పేపర్లోనే చుట్టి తీసుకెళ్లడం మనలో చాలామందికి అలవాటుగా ఉంటుంది. కానీ, ఈ అలవాటును పూర్తిగా మానుకోమని 'భారత ఆహార భద్రత, ప్రమాణాల సంస్థ (FSSAI)' హెచ్చరిస్తోంది. ఈ తరహా ప్యాకింగ్ వల్ల ఆరోగ్యానికి నష్టం వాటిల్లడమే ఇందుకు కారణమని తెలియజేస్తుంది. ఈ క్రమంలో ఆహారాన్ని న్యూస్ పేపర్​లో చుట్టడం వల్ల ఆరోగ్యపరంగా ఎలాంటి సమస్యలు వస్తాయి? దీనికి ప్రత్యామ్నాయ మార్గాలైవైనా ఉన్నాయా? లాంటి విషయాల గురించి ఇప్పుడు తెలుసుకుందాం!